Það er ekkert annað en bragðgóður og fjölbreyttur kokteill sem Rokkland býður upp á að þessu sinni, en við sögu koma: Metallica, Glerakur, Donald Trump. The Beatles, Giles Martin, Björgvin Halldórsson, Rokksafnið í Reykjanesbæ, Björn G. Björnsson, Dungen, Bang Gang, Wolf People, Jimmy Fallon, The Roots og Leon Russel. Ég ætla að hræra öllu mögulegu saman og það má vel vera að einhverjir verði örlítið ringlaðir en aðal málið er samt að spila skemmtilega músík og segja litlar skemmtilegar sögur af fólki, og það er það sem þetta prógramm í raun gengur út á. Við heyrum í Bítlunum, en ég hitti Giles Martin (son Sir George Martin - fimmta Bítilsins) í Abbey Road hljóðverinu í London núna fyrir rúmum mánuði síðan, en Giles Martin hefur annast allar útgáfur Bítlanna í rúm 20 ár. Fyrst sem aðstoðarmaður pabba síns en í seinni tíð sér hann um það sem er gefið út af Bítla-músík, það er hann sem fær það til að hljóma eins vel og mögulegt er. Giles Martin segir sjálfur frá í þættinum. Rokkland var í Reykjanesbæ um síðustu helgi þegar opnuð var í Hljómahöllinni, Rokksafninu í KEF, sýning tileinkuð Björgvin Halldórssyni. Björn G. Björnsson sýningarstjóri leiddi hljóðnema Rokklands um salinn og ég spjallaði aðeins við BÓ líka. Hljómsveitin Glerakur og Donald Trump koma við sögu í þættinum, en Glerakur var besta bandið á Iceland Airwaves 2016 sagði David Fricke sem er landi Donalds Trump. David Fricke er einn helsti rokkblaðamaður heims, hefur skrifað um tónlist áratugum saman og lengst af fyrir Rolling Stone. Donald Trump er annar maður, önnur tegund og vonandi ekki mjög hættuleg... Heyrum svo nýja músík með Dungen, Bang Gang og Wolf People t.d. Og svo er það Bandaríski tónlistarmaðurinn Leon Russel sem lést á heimili sínu í Nashville í vikunni, 74 ára að aldri. Leon Russel var píanóleikari, söngvari og alhliða tónlistarmaður með sérstakan og einstakan stíl og um tíma var hann píanóleikarinn sem allir vildu hafa í sínu liði, í sínu bandi. Hann spilaði með George Harrison og Eric Clapton og þeim öllum á Banladesh-tónleikunum í Madison Square Garden í New York árið 1970 og átti þar stórleik. Hann kom 16 ára gamall til Los Angeles í leit að frægð og frama og sem ungur maður var hann hluti af stúdíó-genginu í Los Angeles sem hefur verið kallað The Wrecking Crew. Hann spilaði þar með Jan og Dean og Beach Boys, Bob Dylan, Ike & Tinu Turner, Frank Sinatra ofl. Hann var vígður inn í Frægðarhöll rokksins árið 2011 og Elton John hefur oft nefnt hann sem sinn helsta áhrifavald. Elton John og Leon Russel gáfu einmitt út plötu sam![]()
↧
