Höfundur óþekktur og meira í Rokklandi
Við Íslendingar fögnuðum því á föstudaginn að þá voru liðin 100 ár frá því konur fengu kosningarétt. Það var ýmislegt gert hér og þar af þessu tilefni og eitt af því voru stórir tónleikar í Eldborg í Hörpu þar sem konur voru í aðalhluverki og Kítón stóð fyrir (Konur í tónlist) og nokkrir karlar fengu að hjálpa til.
Tilefnið var að vekja athygli á tónlistarkonum og kven-höfundum og snúa kynjahlutföllunum við, ögra viðteknum venjum og beina kastljósinu að sjaldséðum fyrirmyndum.
"Á öldum áður þóttu konur ekki hafa hæfileika til að iðka tónlist. Leifar af þeim hugarburði sitja enn eftir í jafnréttisbaráttunni þar sem kvenhöfundar tónlistar á Íslandi fá tæplega 10% af útgreiddum stefgjöldum þrátt fyrir mikla grósku í tónlistarlífinu almennt. Hlutföllin eru svipuð um heim allan. Íslenskir kvenhöfundar í tónlist eru því í forgrunni þetta kvöldið með sérstökum kynjasnúningi þar sem karlflytjendur syngja lög kvenhöfunda við undirleik og hljómsveitarstjórn kvenna" segir í fréttatilkyningu frá aðstandendum tónleikanna.
Tónleikarnir voru sendir út beint bæði hér á Rás 2 og í sjónvarpinu (RÚV) á föstudaginn og í Rokklandi í dag heyrum við þetta aftur, bara í öðru samhengi. Á milli laga spjalla ég við fólkið sem stóð að tónleikunum, samdi lögin og kom fram; Rögga Gísla, Raggi Bjarna, Arnór Dan, Helgi Björns, Dúkkulísur, Páll Óskar, Bubbi, Lára Rúnars, Védís Hervör ofl.
↧
Allar þessar konur...
↧
Kings Of Leon spila golf og veiða
Nathan Followill trommuleikari Kings of Leon sem er elstur þeirra bræðra sem skipa Kings Of Leon verður á línunni í Rokklandi á sunnudaginn.
Bandaríska rokksveitin Kings of Leon sem hefur verið eins stærsta og umsvifamesta rokksveit heims undanfarin ár er með tónleika í Laugardalshöll næsta fimmtudag (13. ágúst)
Kings Of Leon hefur árum saman spilað á stóru sviðunum á öllum helstu tónlistarhátíðum heims og ósjaldan verið eitt af aðalnúmerunum, Headline, eins og það heitir á útlenskunni.
Sveitin hefur unnið til fjölda verðlauna, Brit, Juno og Grammy, plöturnar sem eru sex talsins hafa selst vel og hljómsveitin hefur verið spiluð mikið í útvarpi um allan heim.
Nýjasta platan heitir Mechanical Bull og kom út í september 2013.
Nathan segir í þættinum t.d. frá upphafi ævintýris Kings of Leon, þegar þeir fóru hann og Caleb bróðir hans til Memphis í leit að frægð og frama þegar þeir voru í kingum tvítugt. Caleb sem kunni ekkert á hljóðfæri var staðráðinn í því að verða tónlistarmaður og það gekk upp. En ekki bara fyrir hann, heldur vildi hann ekki hafa neina með sér aðra en bræður sína tvo, og frænda. Og Kings of Leon skipa þeir Caleb, Nathan og Jared Followill sem eru bræður, og frændi þeirra, Matthew Followill.
Allt um Kings of Leon, golfið og fluguveiðna í Rokklandi.
↧
↧
Arnarhóll, Kaleo og Patti Smith
Rokkland er þrískipt að þessu sinni.
Í fyrsta lagi heyrum við viðtal við Kaleo sem ég tók um leið og strákarnir stigu af sviði í Laugardalshöll á fimmtudaginn, en þeir flugu til landsins frá Ameríku í þeim tilgangi að hita upp fyrir Kings Of Leon. Þeir tala m.a. um nýja myndbandið sitt, ferðalög, nábýli, hita og prump.
Í öðru lagi rifjum við upp brot frá Tónaflóði Rásar 2 á Menningarnótt í fyrra, en þá spiluðu Skálmöld, Mammút, Mono Town og NýDönsk. Á Tónaflóði 2015 spila svo Gísli Pálmi, Dimma, Amabadama og Stuðmenn.
Í þriðja og síðasta hluta Rokklands að þessu sinni er Patti Smith í aðalhlutverki en hún er með tónleika í Eldborg á mánudaginn þar sem hún ætlar að flytja fyrstu plötuna sína, Horses, í heild sinni í bland við aðra músík. Horses sem kom út árið 1975 er á fjölmörgum listum yfir bestu plötur rokksögunnar.
Með patti eru tveir upprunalegir meðlimir hljómsveitarinnar Patti Smith Group, þeir Lenny Kaye og Jay Dee Daugherty. Fjórði maðurinn er svo bassaleikarinn og hljómborðsleikarinn Tony Shanahan, sem hefur verið í hljómsveit Pattis í 20 ár.
↧
Tónaflóð 2015 - brot af því besta
Í Rokklandi dagsins verður boðið upp á endurtekið efni, brot af því besta frá Tónaflóði Rásar 2 sem fram fór á Arnarhóli í gær.
Strax klukkan 20 í gærkvöldi var mikill mannfjöldi mættur á Arnarhólinn til að hlusta á rapparann Gísla Pálma. Enn fleiri hlustuðu svo á Dimmu sem var næst á svið. Þegar Amabadama hóf leik 21.15 var mannfjöldinn orðinn gríðarlegur á hólnum og enn fleir bættust við þegar Stuðmenn byrjuðu að spila kl. 22.00.
Allir ofantaldir buðu upp á sitt besta prógramm og í Rokklandi í dag ætla ég að bjóða upp á það besta af því besta. Já betri getur tíðin ekki orðið...
↧
Progg, Trass, Reggí og alt-kántrí
Það eru fjögur megin element í Rokklandi dagsins. Progg-rokk ? alternative kántrí, og Trash metall.
Í upphafi þáttar er kastljósinu beint að hljómsveitinni Genesis. Við heyrum lítillega i gítarleikara hljómsveitarinnar, Steve Hacket sem var lykilmaður í Genesis á blómatímanum í síma. Hann var í bandinu þegar Peter Gabriel var söngvari og hljómsveitin var þá í framvarðasveit progg-rokksins.
Hljómsveitin Wilco var að senda frá sér enn eina plötuna. Hún heitir Star Wars og kom út öllum að óvörum, nema auðvitað hljómsveitinni sjálfri. Og það sem meira er henni er dreyft frítt á netinu. Við heyrum nokkur lög af þessari plötu í þættinum.
Rocky Dawuni heitir reggí ?tónlistarmaður sem er fæddur og alinn upp í Ghana en gerir út í dag frá Los Angeles. Hann er nákvæmlega núna staddur í Reykjavík og spilar í Gamla bíó í kvöld ? og ein allra heitasta hljómsveit landsins, Ambadama hitar upp. Við kynnumst Rocky Dawuni aðeins í Rokklandi.
Síðasta hálftímann á svo Thrash-metal hljómsveitin eina sanna; Bootlegs, sem var að senda frá sér plötuna; Ekki fyrir viðkvæma. Þar heitir eitt lagið Fullur á Facebook og annað heitir Kúkur, piss og æl. Þeir Junior söngvari og Stjúni trommari segja frá plötunni og hvað þeir eru að vilja upp á dekk.
↧
↧
Að rótum rytmans ? Nashville og Memphis
Rokkland leiðir hlustendur að þessu sinni um rætur hryntónlistarinnar í tónlistarborgunum Nashville og Memphis, en umsjónarmaður slóst í för með félögum úr FTT (Félag tónskálda og textahöfunda) til landsins sem gaf okkur rokk, soul, kántrí, fönk, jazz og blús.
Rúmlega 40 manna hópur tónlistarmanna, maka þeirra og vina lagði upp í ferðalag til Ameríku fyrir rúmri viku í þeim tilgangi að komast að rótum rytmans eins og fararstjórinn, Jakob Frímann Magnússon orðaði það svo skemmtilega.
Í Nashville var farið í Country Music Hall of Fame og síðan í Creative Workshop Recording hljóðverið þar sem tekið var upp nýtt lag sem varð til í þar og þá. Þaðan var haldið niður til Memphis þar sem byrjað var á að heimsækja Jack White í Third Man Records og síðan sjálfan Elvis í Graceland. Daginn eftir var farið í STAX museum þar sem sálartónlistin varð til á sjöunda áratugnum og svo Sun hljóðverið þar sem Elvis, Jerry Lee Lewis og Johnny Cash hófu ferilinn. Þaðan var svo farið í Royal studios, hljóðver sem hefur verið í eigu sömu fjölskyldunnar síðan 1956. Þar tók Keith Richards upp fyrstu sólóplötuna sína, þar hefur Mark Ronson unnið talsvert á undanförnum árum og sumarsmellur Bruno Mars, Uptown Funk, var tekinn upp þar. Súpergrúppa var sett saman í ferðinni sem samanstóð af hljómborðsleikara Stuðmanna, gítarleikara Sálarinnar, bassaleikara og píanóleikara Hjaltalín og trommara Deep Jimi & The Zep Creams og rokksveitar Rúnna Júl. Með sveitinni sungu svo söngvarar Sálarinnar, Baggalúts og Stuðmanna auk Björgvins Halldórssonar.
Nokkur lög voru hljóðrituð í ferðinni, ný lög sem Bragi Valdimar Skúlason setti saman; Mojo og Hjartað mitt, og Björgvin Halldórsson hljóðritaði lagið sem Elvis söng fyrir Sam Phillips í Sun hljóðverinu 1956, That´s allright mama.
Frá Memphis var svo haldið til Clarksdale þar sem blúsinn varð til, farið á Krossgöturnar sem sagan segir að blúsmaðurinn Robert Johnson hafi gert samning við sjálfan kölska, en Johnson varð afburðar-gítarleikari á aðeins nokkrum mánuðum og það gat hann ekki þakkað neinum öðrum en sjálfum myrkrahöfðingjanum sem tók sál hans í staðinn. Robert Johnson er ein helsta fyrirmynd manna eins og Eric Clapton og Keith Richards lést aðeins 27 ára gamall og lögin hans 29 sem voru hljóðrituð hafa verið hljóðrituð aftur og aftur og aftur í gegnum tíðina ? hann lést árið 1938. Við komum líka við á Ground Zero blúsklúbbnum í Clarksdale sem þeir eiga saman leikarinn Morgan Freemann og bæjarstjórinn í Clarksdale, Bill Luckett, en hann er auðvitað vinur fararstjórans, Jack Magnet.
Á leiðinni var reyndar komið við í sunnudagsmessu í Memphis hjá engum öðrum en Al Green sem er hættur að túra og einbeitir sér að söfnuði sínum heima í Memphis þar sem hann predikar og syngur alla sunnudaga í kirkjunni sem hann reisti fyrir eigið fé fyrir mörgum árum.
Í þættinum heyrist í ýmsum ferðalöngum og öðrum sem ferðalangarnir rákust á í ferðalaginu. Elvis syngur, líka Johnny Cash, Björgvin, Robert Johnson, Otis Redding, Sama & Dave, Bob Dylan, Dolly Parton, Gram Parsons, Kaleo, Jack White, Booker T & MG´s og margir fleiri.
↧
Reeperbahn og Ryan Adams v.s Taylor Swift
Rokkland var á Reeperbahn Festival í Hamborg um helgina þar sem 5 íslenskar hljómsveitir voru auk tæplega 250 annara frá öllum heimshornum. Ryan Adams var að gefa út sína útgáfu af metsöluplötu kántrí-popp-stjörnunnar Taylor Swift, 1989 sem kom út í fyrra. Um þetta verður fjallað í Rokklandi.
Íslensku hljómsveitirnar sem komu fram á Reeperbahn Festival um helgina eru Mammút, Júníus Meyvant, Agent Fresco, Sóley og Vök. Við heyrum í þessu fólki öllu nema Sóley í Rokklandi dagsins.
Reeperbahn er hátíð ekki ósvipuð Iceland Airwaves. Þetta er borgarhátíð, haldin í Hamborg í Þýskalandi. Hátíðin stendur í fjóra daga. Hellingur af hljómsveitum sem spila á kvöldin og á daginn er ráðstefna. Á hverju ári er ein þjóð eða eitt land í brennidepli g kynnt sérstaklega og í ár var það Finnland. Við heyrum í nokkrum finnskum hljómsveitum í dag, nöfnum eins og LCMDF, Lapko og K-X-P.
En þátturinn hefst á Ryan Adams sem var að gefa út sína útgáfu af metsöluplötu Taylor Swift sem hún gaf út í fyrra. Hann tók alla plötuna upp með sínu nefni og gerði hana að sinni. En hvers vegna? Þið fræðist um það með því að hlusta á þáttinn, en platan hefur fallið í góðan jarðveg.
En Taylor Swift er fædd árið 1989, 25 ára gömul og ein skærasta poppstjarna bandaríkjanna í dag, búin að vera það í nokkur ár. Kántrí-popp-stjarna.
Hún er frá smábænum Wayomissing í Pennsylvaniu en 14 ára gömul flutti hún þaðan og til Nashville þar sem allt er að gerast í músíkinni. Það stóð aldrei annað til hjá henni en að "MEIKAÐA" sem kántrísöngkona.
Hún er yngsti listamaðurinn/lagahöfundurinn sem hefur verið á samningi hjá SONY/ATV Music Publishing House fyrirtækinu og þegar hún var 17 ára kom fyrsta platan hennar út. Eitt laganna þar fór alla leið í fyrsta sæti kántrí-listans í Ameríku og hún er yngsti tónlistamaðurinn í sögunni til að koma lagi á toppinn á kántrílistanum. Heyrum meira um þetta á eftir.
↧
Keith Richards og sveim frá Tálknafirði
Jón Ólafsson og Futuregrapher og Keith Richards eru í aðalhlutverki í Rokklandi dagsins.
Platan EITT með þeim Jóni Ólafssyni úr Ný Dönsk og raftónlistarmanninum Futuregrapher sem kom út núna á dögunum hfur vakið mikla athygli. Hún vakti líka athygli mína og þess vegna hlustaði ég á plötuna og bað þá Jón og Tálknfirðinginn Árna Grétar sem er nafn Futuregrapher, í kjölfarið um að heimsækja Rokkland. Við heyrum í þeim og lög af plötunni í þætti dagsins.
Keith Richards verður 72 ára í desember. Ég held að það sé útbreidd og almenn skoðun að það sé mjög skrýtið að maðurinn skuli vera á lífi, að hann sé ekki löngu dauður eftir allan ólifnaðinn, brennivínið, dópið, grasið og sígaretturnar. En áfram skröltir hann þó og núna í september var þriðja sólóplatan hans að koma út. Hún heitir Crosseyed Heart og um hana hefur veruð talsvert fjallað í músíkpressunni um allan heim. Hún hefur líka náð hærra á vinsældalistum en hinar plöturnar hans tvær (Talk is cheap 1988 og Main Offender 1992). Hún náði t.d. alla leið í fyrsta sæti í Austurríki og í Argentínu. Ég ætla að spila lög af öllum sólóplötunum hans hérna á eftir og svo heyrist aðeins í honum sjálfum, og Rolling Stones líka.
Biggi Hilmars og Lennon, og Morrissey koma líka við sögu.
↧
Svalir eins og á húsum...
Arnar og Helgi sem eru Úlfur Úlfur eru gestir Rokklands á sunnudaginn.
Þeir eru frá Sauðarkróki, voru saman í hljómsveitinni Bróðir Svartúlfs semsigraði í Músíktilraunum árið 2009. Bróðir Svartúlfs gaf út eina plötu en liðaðist síðan í sundur. Arnar og Helgi héldu áfram að gera músík, eru í dag tveir eftir og önnur platan þeirra, Tvær plánetur hefur heldur betur slegið í gegn.
Þeir tala um æskuna á Sauðarkróki, um Músíkítilraunir, Tom Waits, Eminem, Ace of Base og þráhyggjuna.
það er hiti í rappsenunni í dag, líklega meiri en verið hefur í næstum 15 ár.
Úlfur Úlfur kemur fram á Airwaves og ég ætla líka að kynna til sögunnar nokkur af erlendu nöfnunum sem koma fram á Airwaves í ár.
Þátturinn hefst svo á umfjöllun um hár-metal-plötunur.
↧
↧
Grímur velur ofan í lýðinn
Rokkland vikunnar er eitt af fjölmörgum upphitunarnúmerum Iceland Airwaves 2015 sem fer fram vikuna 4.-8. nóvember nk.
Auk allra íslensku hljómsveitanna sem koma þar fram eru erlendu böndin 72 talsins.
Grímur Atlason sem er framkvæmdastjóri hátíðarinnar kemur í heimsókn með 5 hljómsveitir og listamenn sem hann segir okkur frá og spilar tóndæmi með. Allt eru þeta hljómsveitir og listamenn sem honum þykir ástæða til að mæla sérstaklega með.
VIð heyrum líka í fleiri erlendum sveitum sem koma á Airwaves, öðrum en Grímur mælir með - .t.d. bönd sem Rokkland mælir með.
Sumar af þessum sveitum spila líka á Off-venue dagskránni þannig að allir ættu að geta séð og heyrt ef þeir bara komast að heiman og dántán Reykjavík rokk-city.
Söngkonan Adele kemur líka við sögu, en hún sendi fyrir helgina frá sér nýtt lag, (Hello) það fyrsta í 4 ár og það er plata væntanleg í nóvember. Hún mun heita 25 en Adele er 27 ára. Er hún að þykjast vera yngri en hún er? Hinar plöturnar hennar tvær heita 19 og 21.
Rokkland býður svo líka upp á örlítið af tónleikaupptökum frá fyrri Airwaves hátíðum.
↧
Hryllingur og drottningin af Færeyjum
Í Rokklandi vikunnar er Eivør Pálsdóttir í aðalhlutverki í bland við létta hryllingsmúsík á Hrekkjavöku og nýjustu fréttir af Phil Collins.
Eivør var að senda frá sér 10undu plötuna sína. Hún heitir Slör og er öll sungin á færeysku. Slør er systurplata síðustu plötu, Bridges, sem kom út fyrr á árinu. "Á meðan ég var að skrifa lögin komu textarnir til mín bæði á ensku og færeysku - líkt og spegilmyndir. Flest lögin voru því skrifuð í pörum". segir Eivør. Slør og Bridges er því í senn ein heild og tvær mjög ólíkar plötur. Eivør segir betur frá þessu og ýmsu öðru í Rokklandi.
Halloween eða Hrekkjavaka er alltaf.31. október. Halloween kemur frá Keltum og á Halloween eru mörk heima hinna lifandi og hinna dauðu óljósari en aðra daga og þá fara draugar og óvættir á stjá. Í tilefni Hrekkjavöku verður boðið upp á örlítið af léttri og skemmtilegri hryllingsmúsík og textar skoðaðir sérstaklega. Kven-djöflar koma við sögu.
Og svo er eitt og annað að frétta af Phil Collins. Við förum yfir það líka, en hann sagði skilið við tónlistarheiminn fyrir fjórum árum. Hvers vegna? Er hann með bakþanka? Það er nú það - hlustaðu bara á Rokkland á morgun kl. 16.05.
↧
Rokkland fylgir þér
okkland er að sjálfsögðu helgað Iceland Airwaves að þessu sinni, en hátíðin fer fram núna um helgina í 16. sinn.
Iceland Airwaves fór og fer fram núna um helgina í 16. sinn ? 9.000 manns voru með armband á hátíðina ? miklu fleiri útlendingar en Íslendingar..
Tónleikarnir sem hafa farið fram um helgina víðsvegar um borgina eru næstum 1000 talsins, on og OFF-venue eins og það er kallað.
Rás 2 er búin að taka upp næstum 30 hljómsveitir um helgina og við heyrum tóndæmi frá nokkrum þeirra í dag, þeas upptökur frá hátíðinni með: Júníusi Meyvant, Vök, Father John Misty, John Grant og Sinfó, Mána Orrasyni, Axel Flóvent, Agent Fresco: Mercury Rev, Hjaltalín ofl. Við heyrum líka viðtöl við mikið af þessu fólki.
Ég ætla líka að minnast eins af frumkvöðlunum í þættinum, en Ásgeir Bragason trommuleikari úr Purrki Pillnikk lést á dögunum aðeins 55 ára gamall.
↧
Don Henley og aðrir eldri menn...
Rokkland vikunnar er helgað nokkrum náungum sem eiga það sameiginlegt að hafa slitið barnsskónum fyrir margt löngu. Einn í Winnipeg í Kanada, Einn í Cass County í Texas, einn í Vestmannaeyjum, einn í Sheffield og einn á Norður-Englandi nálægt Newcastle.
Fyrsti gesturinn er Richard Hawley frá Sheffield, 48 ára gamall gítarleikari, söngvari, lagasmiður og upptökustjóri svo eitthvað sé nefnt. Hann á marga aðdáendur á Íslandi þó það fari kannski ekki svo mikið fyrir þeim. Hann sendi nýlega frá sér plötuna Hollow Meadows og við heyrum lög af henni auk þess sem við rifjum upp símaviðtal sem ég átti við hann þegar síðasta plata kom út fyrir þremur árum.
Svo er það Don Henley ? trommari og söngvari úr Eagles. Sá sem syngur Hotel California. Hann er orðinn 68 ára gamall og var að senda frá sér fyrstu plötuna í 15 ár. Hún heitir Cass County eftir gömlu sveitinni sem hann ólst upp í - í Texas. David Fricke hjá Rolling Stone gaf plötunni 4 stjörnur af 5. Við heyrum af plötunni og lög af henni í þættinum.
Brian Johnsson söngvari AC/DC kemur líka við sögu, en hann er jafnaldri Don Henley.
Eiður Arnarsson fyrrum útgáfustjóri hjá Skífunni og Senu skrifaði áhugaverðan pistil um tónlist á netinu ? tekjumöguleika tónlistarmanna í dag miðað við áður ofl. Eiður er tónlistarmaður (bassaleikari Todmobile), tónleikahaldari, framkvæmdastjóri Félags hljómplötuframleiðenda og starfar einnig við stafræna dreifingu tónlistar.
Í greininni segir hann ma: "Tónlistin er líklega sú listgrein sem við getum fæst lifað án. Hún er alltumlykjandi. Hún er hljóðrás lífs okkar flestra. Framtíð íslenskrar tónlistar er best tryggð með því að neyta hennar og njóta löglega, á þann hátt sem tryggir réttlátt endurgjald til handa þeim sem skapa hana". Eiður heimsækir Rokkland.
Svo heyrum við undir lok þáttarins í afmælisbarni vikunnar ? STÓR-afmælis-kalli vikunnar ? Neil Young sem, varð sjötugur í vikunni.
↧
↧
E.L.O.R.G.Í.A.
Jeff Lynne úr E.L.O er maður vikunnar í Rokklandi og þátturinn er næstum allur helgaður honum.
Ein stærsta tónlistarfrétt vikunnar og kannski ársins er að það var að koma út ný plata með E.L.O. ? Electric Light Orchestra. Platan kemur út undir nafninu Jeff Lynne´s E.L.O. en Jeff Lynne hefur frá upphafi, frá árinu 1971 verið forsprkakki E.L.O. Hann er E.L.O. og E.L.O. er hann. Hann semur öll lögin, hann útsetur, spilar allt, syngur allt og allt sem E.L.O. stendur fyrir hefur orðið til í höfðinu á honum.
E.L.O. er ein af stærstu og þekktustu og vinsælustu hljómsveitum popp og rokksögunnar, hefur selt meira en 50 milljónir platna, topp-40 lögin í Bretlandi eru 25 og nýja platan er 14. stúdíó-platan.
Síðasta E.L.O. plata kom út 2001, heitir Zoom og vakti enga sérstaka athygli, náði 94. sæti Bandaríska vinsældalistans og það þrátt fyrir að þar voru tveir Bítlar gestir, George og Ringo.
Síðasta plata E.L.O. þar á undan kom út 1986, 15 árum fyrr, og nú eru 14 ár frá 2001, tvær plötur á 30 árum og það er nú ekkert sérlega mikið.
Jeff Lynne hefur aldrri verið mikið fyrir það að spila á tónleikum og það eru ýmsar ástæður fyrir því sem farið er í í þættinum. En nú er þetta allt að breytast, það er mikill spenningur fyrir plötunni sem heitir Alone in the Universe. Hún stökk beinustu leið í 4. sæti breska vinsældalistans og í 1. sæti vinyl-sölu listans. Og svo ætlar E.L.O að fara að túra líka en það hefur sveitin ekki gert líklega síðan 1986.
Jeff segir sjálfur frá samstarfinu við Bítlana í þættinum, talar um vini sína Bob Dylan, Royu Orbison. Tom Petty, George Harrison, Roy Wood ofl. Talar um vinnuna og E.L.O. og allt mögulegt auk þess sem ég skauta yfir ferilinn - líka það sem Jeff hefur gert með öðrum tónlistarmönnum en hann er einn eftirsóttasti upptökustjóri heims og hefur gert plötur með mörgum af þeim bestu. Bítlarnir eru líklega toppurinn en það var einmitt Jeff sem var fenginn til að gera Bítlalögin Free as a bird og Real love uppúr gömlum kassettu upptökum sem Lennon gerði, þegar Beatles Anthology kom út 1995.
David Bowie sendi svo frá sér nýtt lag í vikunni og það setti músíkpressuna næstum á hliðina. Lagið er fyrsta smáskífa væntanlegrar plötu sem kemur út á afmælisdaginn hans næsta (8. janúar) en þá verður Bowie 69 ára gamall. Og hann er ennþá með ? og miklu meira en það. Hann fékk hjartaáfall í miðri tónleikaferð árið 2004 og hefur síðan þá haft frekar hægt um sig. Hefur þó komið fram sem gestur á nokkrum plötum og stigið á svið einstaka sinnum sem gestur. Hann sendi síðast frá sér plötu fyrir tveimur árum en hefur ekki enn sagt eitt einasta orð við einn einasta fjölmiðil um þá plötu ? eða nýju plötuna sem heitir Black Star. Ég ætla að spila þetta nýja, stóra og mikla, tæplega 11 mínútna lag í lok þáttarins.
↧
Ljósanna hátíð U2 í Dublin
Rokkland fór á tónleika með U2 á heimavelli í Dublin á þriðjudaginn síðasta og ég ætla að reyna að kom stemmningunni til skila í þætti dagsins auk þess sem við heyurm í nokkrum heimamönnum sem ég spjallaði við eftir tónleikana.
Ég ætla að spila soldið af nýrri músík með nýju fólki eins og Sundara Karma, Coasts, Bohicas og Villagers. Ég ætla líka að bjóða uppá nýtt frá Yo La Tengo og Jeff Buckley og svo nýtt en gamalt með Bruce Springsteen af væntanlegu River-safni. Við heyrum splunkunlýtt jólalag með Alison Krauss og Robert Plant og líka nýtt jólalag með The Darkness um jólasveininn.
Svo heyrum við aðeins í Pétri Hallgrímssyni gítarleikara John Grant sem einu sinni var í hljómsveitinni E-X frá Hafnarfirði en hefur líka túrað með Emiliönu Torrini og Kylie Minogue. Ég spjallaði við P'etur eftir tónleika Johns og sinfóníuhljómsveitar Íslands á Airwaves í Eldborg í Hörpu á dögunum.
Nokkur lög af nýrri jólaplötu Sharon Jones & The Dap Kings munu heyrast, þessi 59 ára gamla söngkona frá Brooklyn sem starfaði einu sinni sem fangavörður í Rikers Island var að senda frá sér skemmtilega jólaplötu sem heitir It´s a Holiday Soul Party.
En mesta púðrið í þættinum í dag fer í U2.
↧
Bubbi talar og talar...
Í Rokklandi á sunnudaginn. Hann talar fyrst og fremst um nýju plötuna - 18. konur sem fjallar meira og minna öll um konur. Það eru líka konur sem spila með honum á plötunni - eingöngu konur. Þær kalla sig Spaðadrottningarnar og eru Ingibjörg Elsa Turchi sem spilar á bassa, Brynhildur Oddsdóttir á gítar, Sólrún Mjöll Kjartansdóttir á trommur og Margrét Arnardóttir á harmonikku.
Við Bubbi ræðum í þættinum um konur, plötuna, Spaðadrottningarnar, trúmál, höfundarétt, netið, Spotify, Úlfur Úlfur, nauðganir, Múhameð og Guð, um rafmagnsgítara, réttarkerfið, hefndarklám, Drekkyngarhyl og drauma, um Joy Divison, ríka fólkið, ljóðabækur, Múslima og flóttafólk, útgefendur og ýmislegt fleira.
Bubbi Morthens kom inn íslenskt tónlistarlíf eins og stormsveipur árið 1980 ? þetta er gömul klisja að orða hlutina svona en hún er svo innilega sönn í tilfelli Bubba. Síðan þá hefur hann ekki látið okkur í friði ? hann er búinn að gera fleiri lög og plötur en allir aðrir íslendingar. 8 konur er 28. sólóplatan hans og þá eru plöturnar með hljómsveitunum hans ekki teknar með ? Utangarðsmanna-plöturnar, Egó-plöturnar, Das Kapital, GCD-plöturnar og ekki tónleikaplöturnar eða safnplöturnar.
Bubbi hefur skrifað bækur ? barnabækur og veiðibækur, og núna síðast ljóðabók sem hefur slegið í gegn. Hann bloggar, hann stýrir útvarpsþáttum og sjónvarpsþáttum - hann er yfir og allt um kring og allt of fyrirferðarmikill finnst mörgum - en sumir fá aldrei nóg af þessum Bubba.
↧
Helgi Bjösss... sko...
Helgi Björns er gestur Rokklands í dag. Hann sendi nýlega frá sér plötuna Veröldin er ný en hún er fyrsta platan hans með frumsömdu efni í heil 18 ár.
Helgi segi okkur hvers vegna svona langur tími hafi liðið milli platna, en þessa nýju plötu gerði hann með ungum mönnum sem hann hafði ekki unnið svona náið með áður. Guðmundur Óskar Guðmundsson (Hjaltalín) samdi flest laganna með Helga og megmið af textunum samdi Helgi með Atla Bollasyni sem var á sínum tíma hljómborðsleikari í Sprengjuhöllinni.
Helgi vakti mikla athygli þegar hann byrjaði að syngja með hljómsveitinni Grafík fyrir 30 árum. Hann sló eiginlega í gegn á einni nóttu þessi svipmikli gaur frá Ísafirði.
Hann hætti svo í Grafík eftir að hafa gert tvær plötur með sveitinni og stofnaði nýja hljómsveit sem var gefið nafnið Síðan skein Sól sem breyttist svo í SSSÓL.
Helgi gaf svo út sólóplötu 1997 og síðan hefur hann verið að leika og syngja, er búinn að gefa út slatta af plötum þar sem hann hefur verið að syngja lög eftir aðra yfirleitt. Plata með lögum Magnúsar Eiríkssonar, plata með lögunum sem Haukur Morthens söng og svo reiðmannaplöturnar.
Nýja platan hefur vakið taslverða athygli og Andrea Jóns og Arnar Eggert gáfu henni t.d.fína einkun.
↧
↧
Hjálpum þeim - Jojo og Gummi P.
Í Rokklandi dagsins skoðum við tenginguna milli Hjálpum þeim (desember 1985), Do the know it´s christmas (desember 1984) og We are the world (mars 1985).
Í seinni hluta þáttarins er gítarleikarinn ? gítarhetjan og tónlistarmaðurinn Guðmundur Pétursson gestur Rokklands, en hann spilaði t.d. 16 Baggalútstónleika núna í desember, hann túraði um heiminn á árinu með hinum norska Erlend Oye og hann var líka að gefa út sína þriðju sólóplötu. Hún heitir Sensus og hefur að geyma instrumental músík, sem er alls ekki bara gítarmúsík. Heyrum í Gumma Pé sem sló í gegn á einu kvöldi á Músíktilraunum árið 1987, aðeins 14 ára gamall.
Í Fyrri hlutanum kemur í heimsókn annar gítar-maður ? allt öðruvísi en Gummi Pé, nefnilega götuspilarinn JoJo sem fólk kannast við ef það er á rölti í Austurstræti á kvöldin og sérstaklega um helgar. Þar situr hann oftar en ekki með gítarinn, í úlpunni, með grifflur og húfu og trefil og syngur fyrir fólkið ? veitir samfélagsþjónustu eins og hann segir sjálfur. Jojo spilaði einu sinni með Bruce Springsteen, heyrum af því og lífinu í götunni í Rokklandi í dag.
↧
Jólin á Mars og þegar María mín fór
Allar götur síðan 1997 hefur Rokkland boðið upp á sérstakan jólaþátt og hann er einmitt í dag þetta árið.
Í fyrsta þættinum fyrir öllum þessum árm var þetta eki mikið mál, það var eki svo erfitt að safna saman bunka af skemmtilegum og svolítð „öðruvísi“ jólalögum sem ekki högfðu verið spiluð mikið í útvarpið þann desemberinn, en með hverju árinu sem líður verður þetta meira og meira mál - fyrst og fremst vegna þess að starfsfólk Rásar 2 er meðvitaðra um jólamúsíkina sem er til og það sem heyrist í útvarpinu í dag er miklu fjölbreyttara en það var áður. Það er búið að vera mikið af jólamúsík á Rásinni um jólin sem þýðir að þetta er heilmikil áskorun fyrir mig að bjóða upp á eitthvað JÓLA ? þriðja í jólum sem fólk nennir hugsanlega að hlusta á.
En ég ætla í Jóla-Rokklandi í dag að bjóða upp á Blind Boys of Alabama, The Flaming Lips ? Wayne Coyne verður líka á línunni og segir frá jólalaginu þeirra; A change at christmas, say it isn´t so. Við heyrum Gene Autry syngja um mömmu sína og jólasveinin, Eddie Cochran og The Holly Twins syngja um Elvis og jólin. Við heyrum lög af nýrri jólaplötu Kylie Minogue, Mary Gauthier um jólin á götunni, John Prine syngur um jólin þegar kærastan yfirgaf hann, Teinar um jólin þegar María mín fór, Willie Nelson syngur um jólin í ræsinu, og Johnny Cash um jesúbarnið, Neil Young og Pegi fyrrum eiginkona hans um jólabjöllurnar í Frakklandi, Chrissie Hynde syngur gamlan jólasálm og Tim Wheeler úr írsku hljómsveitinni Ash syngur um uppvakningajól og jólin á brimbretti.
John Travolta og Olivina Newton John taka lagið líka, Lou Rawls og Ramones.
↧
Er þetta nú allt og sumt?
Rokkland býður upp á "best of 2015" í Rokklandi dagsins.
Rokkland varð 20 ára á árinu og þátturinn í dag er númer 987 í röðinni - bráðum 1000.
Í þætti dagsins rifjum við upp eitt og annað en Rokkland brallaði á árinu. Við förum að rótum rytmans til Nashville og Memphis með Bó Hall ofl.
Við förum á ATP, Iceland Airwaves, Reeperbahn Festival, Höfundur ókunnur ofl.
Heyrum í Belle & Sebastian, Barry Hogan, Tom Jones, Adele, Eivör, Agent Fresco, Gísla Pálma, Röggu Gísla, Gunna Þórðar og Hljómum 1963, Alice Cooper, Mercury Rev, Das Kapital, Of Monsters And Men, Elvis, Johnny Cash, Jack White ofl.
↧