↧
She & Him, Tom Waits og hljómsveitin ÉG!
↧
Kate Bush, My Morning Jacket, James Taylor ofl í Rokklandi
Kate Bush er mögnuð, kom síðast fram á tónleikum 2002, eina tónleikaferð hennar var 1979 og hún sendi síðast frá sér plötu með nýju efni 2005. Þá voru liðin 12 ár frá síðustu plötu þar á undan. Þrátt fyrir allt þetta skiptir hún enn miklu máli og nýja platan hennar, 50 Words For Snow hefur fengið frábæra dóma. Ekki að ástæðulausu eins og heyra má í þessum þætti þar sem Ólafur Páll skautar líka yfir feril Kate Bush.
Í þættinum býður hann líka upp á nokkur lög frá "I-tunes holiday session" með bandarísku rokksveitinni My Morning Jacket. Þeir spila klassíska jólaslagara, ný frumsamin lög og jólalag eftir The Band. Svo er það James Taylor, hann kemur lítillega við sögu en hann ætlar að syngja í Hörpu í maí, það var tilkynnt núna á föstudaginn. Við heyrum líka aðeins í vinkonu hans Carole King, lög af plötunni A Holiday Carole sem hún var að senda frá sér.
↧
↧
Jólaball í Rokklandi
Þessi þáttur Rokklands er helgaður jólalögum úr ýmsum áttum. Aldagömlum jólasálmum í seinni tíma búningi, og nýlegum popp-jóla-lögum.
↧
Björgvin Gíslason 60 ára afmælistónleikar
Gítarséníið Björgvin sem gerði garðinn frægan með sveitum eins og Pelican, Pops, Svanfríði ofl. varð sextugur 4. september sl. Hann hélt upp á daginn með því að blása til tónleika þar sem lögin hans voru í aðalhlutverki. Með honum voru þeir Jón Ólafsson (orgel), Ásgeir Óskarsson (trommur), Guðmundur Pétursson (gítar), Haraldur Þorsteinsson (bassi) og Hjörleifur Valsson (fiðla).
Rás 2 hljóðritaði tónleikana sem þeir Jón Ólafs og Björgvin hljóðblönduðu síðan, og þeir eru uppistaðan í Rokklandi dagsins. Einnig ræðir Ólafur Páll við Björgvin um lífið og tilveruna, bransann ofl.
↧
Jonathan Wilson, Sólstafir, Valdimar og Leonard Cohen
Í Rokklandi dagsins verður boðið upp á ansi fjölbreyttan kokteil!
Söngvaskáldið Leonard Cohen (77 ára) var að senda frá sér plötuna Old ideas sem allstaðar hefur fengið fína dóma. Við heyrum í þættinum lög af plötunni og í Cohen sjálfum!
Við heyrum líka í Adda í Sólstöfum, Sólstafir ætla að halda upp á útgáfu plötunnar Svartir Sandar næsta fimmtudag í Gamla bíói og tjalda öllu til!
Hljómsveitin Valdimar og söngvarinn Valdimar Guðmundsson hafa heldur betur slegið í gegn á undanförnu ári, og Valdimar var frábær á AFÉS í fyrra, heyrum uppöku Rásar 2 frá þeim tónleikum á eftir.
En byrjum á að kynnast mögnuðum náunga sem músíkpressan kallar „The new king of Laurel Canyon“. Hann heitir Jonathan Wilson og nýjasta platan hans heitir Gentle Spirit, kom út í ágúst sl. og er ein af bestu plötum síðasta árs að margra mati. Platan lenti t.d í 4. Sæti á árslista tónlistarblaðsins Mojo, og Uncut útnefndi hann New artist of the year, eða nýliða ársins.
↧
↧
Whitney, Lana Del Rey og Prins Póló
Whitney Houstin lést á hóteli í Los Angeles á laugardaginn (11.02.2012) og hennar er minnst í þættinum.
Lana Del Rey er bragð mánaðarins um þessar mundir. Hún á mest seldu plötuna í Bretlandi og vinsælasta lagið á Rás 2. En hún er umdeild og á sér fortíð sem hún hefur lítið verið að flagga. Þetta var allt skoðað í Rokklandi 12.02.2012. Einnig var boðið upp á upptökur með Prins Póló á Aldrei Fór Ég Suður 2011 og rifjuð var upp sú tíð þegar Bubbi fór til Kúbu og gerði plötuna Von fyrir 20 árum, og brot leikið úr viðtali við hann frá því nokkrum dögum áður en hann fór út.
↧
Paul McCartney, Of Monsters And Men, Bon Iver, Jet Black Joe 1993
Hver er hann þessi Bon Iver sem var valinn besti nýji listamaðurinn á Grammy hátíðinni síðasta sunnudag? ?Er eitthvað varið í þessa nýju plötu frá Paul McCartney? Og er hann í rauninni hættur að reykja kannabis? ?Skiptu Músíktilraunir einhverju máli fyrir Of Monsters And Men? ?Hvernig hljómaði Jet Black Joe í Tónabæ árið 1993? Þessum spurningum og mörgum öðrum var svarað í Rokklandi sunnudaginn 19.02.2012
↧
Johnny Cash í 80 ár!
Rokkland dagsins er helgað afmælisbarninu Johnny Cash sem hefði orðið 80 ára í dag ef hann hefði lifað, en hann lést árið 2003, 71 árs að aldri.
Í þættinum rekur Ólafur Páll Gunnarsson feril svartklædda töffarans í tali og tónum. Cash sjálfur segir frá og líka 2 af börnum hans, Rosanne og John Carter Cash.
↧
Johnny Cash - American plöturnar og síðustu árin
Bandaríski tónlistarmaðurinn Johnny Cash gaf út nokkrar frábærar plötur síðasta áratuginn sem hann lifði og hann segir okkur sjálfur frá þeim tíma í Rokklandi í dag, en Cash sem lést árið 2003 hefði orðið 80 ára síðasta sunnudag ef hann hefði lifað.
Árið 1993 var Johnny Cash eiginlega búinn að vera. Hann var rúmlega sextugur og hafði átt við veikindi á stríða. Hann var án plötusamnings í fyrsta skipti á ævinni og þar sem hann söng opinberlega voru áhorfendur sífellt færri.
En þá hefur samband við hann þrítugur hip hop og metal upptökustjóri sem hafði unnið með sveitum og listamönnum eins og Slayer, Red Hot Chili Peppers, Run DMC og LL Cool J. t.d. Hann heitir Rick Rubin. Hann segir Cash að hann vilji gera með honum plötu þar sem hann, röddin hans og gítarinn væru í aðalhlutverki. Platan sem fékk nafnið American Recordings kom út 1994 og árið eftir fékk hann Grammy verðlaun fyrir hana og var boðið að spila á Glastonbury tónlistarhátíðinni á Englandi þar sem hann fékk konunglegar móttökur.
Næstu árin hljóðrituðu þeir Rick Rubin og Johnny Cash milli 100 og 200 lög og í það heila hafa rúmlega 100 komið út. Um það og síðustu ár Johnny Cash fjallar Ólafur Páll Gunnarsson í Rokklandi í dag.
↧
↧
Myrra Rós, John Grant og Helgi Björns, First Aid Kit og Ný Dönsk á AFÉS 2011
Helgi Björns, John Grant, Ný Dönsk, Aldrei Fór Ég Suður, First Aid Kit og Myrra Rós koma við sögu í Rokklandi dagsins.
Sænsku systurnar í First Aid Kit eru að gera allt vitlaust um þessar mundir. Þær heita Johanna og Klara Söderberg og eru 22 og 19 ára. Þær hafa spilað með Fleet Foxes og Jack White. Mike Mogis úr Bright Eyes stjórnaði upptökum á nýju plötunni þeirra og þær eru að túra um Ástralíu þessa dagana. Við kynnumst þeim í þætti dagsins og líka henni Myrru Rós úr Hafnarfirði sem var að senda frá sér sína fyrstu plötu sem er stórfín og heitir Kveldúlfur.
Rokklandið fékk að vera fluga á vegg þegar John Grant frá Michigan og Helgi Björns frá Ísafirði gerðu saman lagið Finish on top fyrir Hljómskálann (RÚV) í síðustu viku og við heyrum af samstarfinu frá þeim sjálfum.
Og svo er það Ný Dönsk á Aldrei Fór Ég suður 2011.
Er Rokkland besta land í heimi?
↧
Bob Dylan, Bruce Springsteen, Dóri Braga
Wrecking Ball, 17. hljóðversplata The Boss, Bruce Springsteen frá New Jersey verður tekin fyrir landsdóm í Rokklandi í dag og Ólafur Páll Gunnarsson fjallar um plötuna auk þess sem Springsteen segir sjálfur frá henni.
Wrecking Ball er pólitísk plata sem hefur fengið mikla og mjög jákvæða umfjöllun í öllum helstu fjölmiðlum. Springsteen er á plötunni að tala um landa sína í Ameríku sem honum finnst stjórnvöld hafa brugðist og kreppuna sem farið hefur illa með margan manninn.
Rokkland býður líka upp á lög af nýju Bob Dylan safni sem var að koma út í tilefni af 50 ára afmæli Amnesty International. Þar flytja hinir og þessir listamenn lög Dylans, fólk eins og Adele, Sting, Maroon 5, Pete Townshedn, Bryan Ferry, Mark Knopfler, Lenny Kravitz, Patti Smith og fleiri og fleiri! Þetta mikla fjögurra diska safn heitir Chimes Of Freed ? The songs of Bob Dylan ? Honoring 50 years of Amnesty International, og þær segja frá því og starfi Amnesty þær Bryndís Bjarnadóttir og Sigurlaug Soffía Friðþjófsdóttir frá Amnesty á Íslandi.
Dóri Braga segir svo frá Blúshátíð í Reykjavík sem fer fram í Dymbilviku (vikunni fyrir páskadag) í 9. Sinn og leiknar verða upptökur frá Blúshátíðinni 2010 með Blue Eyes Bandinu hans Dóra og Billy Branch!!
↧
Spector, Sinéad og Músíktilraunir
Hvað eiga Árni Matt og Phil Spector sameiginlegt? En Sinéad O´Connor og John Grant? Músíktilraunir og Aldrei Fór Ég Suður! U2 og Andrew Bird?
Í þætti dagsins verður víða komið við, t.d. á Músíktilraunum sem standa núna yfir í 30. sin. Óli Palli býður upp á upptökur frá úrslitakvöldunum 2010 og 2011 með sigurvegurunum, Samaris og Of Monsters And Men auk þess sem hann spjallar við Árna Matthíasson tónlistar-blaðamann af Mogganum og þeir velta fyrir sér íslensku tónlistarlífi ef við ættum engar Músíktilraunir!
Svo er það nýja platan hennar Sineád O´Connor, How about i be me and you be you.
Hljómsveitin The Vintage Caravan tók þátt í múíktilraunum fyrir þremur árum og lenti þá í þriðja sæti, en svo tóku strákarnir þátt í Global Battle Of The Bands á Gauknum um síðustu helgi og sigruðu þar. Eru á leiðinni til Rúmeníu í sumar til að taka þátt í aðalkeppni Global Battle Of The Bands. Óli fær strákana í heimsókn og spilar upptökur með þeim frá Aldrei Fór Ég Suður í fyrra.
U2 og Andrew Bird koma lítillega við sögu og líka Phil Spector. Hvað ætli sé að frétta af honum?
↧
Músíktilraunir 2012, Gotye, Mugison og Grafík Á AFÉS 2011 og Lionel Ritchie
RetRobot er sigurvegari Músíktilrauna 2012! Gotye er Belgískur Ástrali sem samdi smellinn Somebody that i used to know sem 100 milljónir manna hafa heyrt/séð á Youtube. Lionel Ritchie var að senda frá sér kántríplötu og kynnti hana í Sjónvarpsmarkaðnum í USA um daginn, á Home shopping network!
Allt þetta og líka Mugison og Grafík á Aldrei fór ég suður í fyrra og ýmislegt fleira!
↧
↧
Svanfríður snýr aftur!
Gunnar Hermannsson (bassi), Diddi fiðla (orgel-fiðla) og Birgir Hrafnsson (gítar) úr hljómsveitinni Svanfríði eru gestir Rokklands á páskadag kl. 16.05. Þeir tala um rokk og ról, síða hárið, endurkomuna í Austurbæ 14. apríl nk, um Pétur Kristjáns, áhrifavalda, Kidda P. og einelti.
Færeyjar, London, sveitaböll, Glaumbæ og plötuna What´s Hidden There sem kom út fyrir 40 árum.
↧
10 CC, Rikke hjá Roskilde Festival, Leonard Cohen & The Saints Of Boogie Street
Rikke Öxner tónlistarstjóri Roskilde Festival verður á línunni og talar um hátíðina og svarar spurningunni: Hvers vegna eru ekki fleiri Íslenskar hljómsveitir bókaðar á hátíðina!
???????Þær Esther og Soffía sem eru söngkonur Leonard Cohen tribute-hljómsveitarinnar The Saints of Boogie street koma í heimsókn og tala um splunkunýja plötu hljómsveitarinnar sem heitir Leonard Cohen covered. Og svo skauta þeir Ólafur Páll Gunnarsson og Graham Gouldman yfir sögu og feril hljómsveitarinnar 10 CC sem spilaði í Háskólabíó í gærkvöldi. Gouldman er leiðtogi hljómsveitarinnar.
↧
Valtari í Rokklandi
Þeir Orri og Kjartan úr Sigur Rós segja frá plötunni Valtari sem kom út 24.05.2012 og brot úr öllum lögum plötunnar eru leikin.
Nýjasta plata Bryan Ferry (Olympia) kemur líka við sögu, en hann heldur tónleika í Hörpu dagana 27. og 28. maí. Svo er það stórskemmtileg tónleikaplata frá Elvis Costello & The Imposters sem heitir The Return Of The Spectacular Spinning Songbook.
↧
John Mayer, Múgsefjun, Joni Mitchell
Mayer, Múgsefjun og Mitchell!
Fyrst birt: 24.06.2012 13:40, Síðast uppfært: 27.06.2012 10:03
Bandaríski tónlistarmaðurinn John Mayer var að senda frá sér sína plötu sem heitir Born And Raised.
Það verður fjallað um hana í Rokklandi í dag eftir 4 fréttir. Mayer hefur selt meira en 20 milljónir platna, unnið til ótal verðlauna og svo framvegis. Þetta allt á hljómsveitin Múgsefjun eftir, en hver veit hvað á eftir að gerast. Nýja platan þeirra er a.m.k. frábær og þeir segja sjálfir frá henni í þættinum í dag. Joni Mitchell segir að Bob Dylan sé plat og þar á meðal bæði röddin og nafnið! Allt um það í þætti dagsins. Líka ný músík frá ZZ Top, The Shins, Tallest Man On Earth, The Head And The Heart, Richard Hawley ofl.
↧
↧
Með allsberum á Roskilde!
Rokkland dagsins var sent út beint frá Hróarskelduhátíðinni í Danmörku.
Í þættinum bauð Óli Palli upp á splunkunýjar tónleikaupptökur með nokkrum af áhugaverðustu listamönnum hátíðarinnar, sagði sögur af gestum og veðri, spjallaði við listamenn, gesti, sjálfboðaliða og sigurvegara "allsbera-hlaupsins" sem fór fram á laugardeginum, en sigurvegarinn er Kópavogsbúi sem á ættir að rekja til Selfoss.
↧
Kóngurinn og Afró-Kúba!
Rokkland er á sínum stað eftir 4 fréttir í dag og þær ætlar Óli Palli að bjóða upp á magnaðan kokteil.
Við byrjum á að heyra nokkur lög eftir U2 í flutningi annara listamanna, eins og Jack White. Jack White sló í gegn á Roskilde Festival um síðustu helgi og Óli ætlar aðeins að ræða um það og spila m.a. upptökur frá Hróarskelduhátíðinni með The White Stripes.
Kóngurinn sjálfur, Elvis Presley tengir svo saman nokkra listamenn sem koma við sögu, en þeir eru Lisa Marie, dóttir hans sem var að senda frá sér sína fyrstu plötu í mörg ár, Richard Hawley, sem samdi nokkur lög á plötuna með henni og svo Don Randi sem hefur spilað með Elvis, Richard Hawley og Geir Ólafs.
Í seinni hluta þáttarins er svo farið á tónleika með Afrocubism á Hróarskelduhátíðinni í fyrra.
↧
Tom Jones, Florence + The Machine, Jon Lord R.I.P. David Bowie
Í Rokklandi sunnudaginn 22.07.2012 kemur gullbarkinn Tom Jones (72 ára) aðeins við sögu, en hann er nýbúinn að senda frá sér plötu sem minnir um margt á það sem Johnny Cash gerði árin áður en hann féll frá.
??Svo verður rifjað upp 5 ára gamalt viðtal við Ian Gillan söngvara Deep Purple, en orgelleikari Purple, Jon Lord sem var einn af stofnendunum og var í bandinu frá 1967 ? 2002, lést núna síðasta mánudag. Gillan talar t.d. um verkið mikla sem Lord samdi og var flutt árið 1969 af Deep Purple og Lundúnar-fílaharmoníunni í Royal Albert Hall, flestum sem að því komu til talsverða leiðinda.
Við heyrum svo aðeins í Alabama Shakes, Mumford & Sons, King Charles, Florence + The Machine, Adele, Noruh Jones og David Bowie. Frá síðustu Hróarskelduhátið heyrum við í The Shins á tónleikum og í sænskum feðgum sem hafa gert það að hefð að koma á hátíðina og vinna sem sjálfboðaliðar. VIð heyrum líka viðtal við kaffisölumanninn Jóhannes (frá Svíþjóð) sem var í sveit í Austur Landeyjum fyrir 20 árum hjá honum Jóni bónda.??
↧